ترجمہ آب و نان کی فکر سے آسودہ دل کے ساتھ باہر آ، صحرا کی طرح دامن میں پاؤں سمیٹے گھر بار سے نکل آ۔

ترجمہ اس چمن سے شبنم کی پرواز میں کوئی اضطراب نہیں، اگر تو بھی اپنے آپ سے باہر آئے تو اسی انداز سے نکل۔

ترجمہ دنیا کے اقبال کی بلندی کو فرصت کا زینہ کہاں میسر ہے، کہو کہ چند آنسو پلکوں کے سرے کی چھت پر چڑھ آئیں۔

ترجمہ اگر تیری خاطر جمع ہو گئی تو تو دونوں جہان سے فارغ ہے، قطرے کی طرح موتی بن کر اس بے کنار سمندر سے نکل آ۔

ترجمہ بے خبر دنیا میں کس سے شرم کرنی چاہیے، کسی کے پاس دیکھنے والی آنکھ ہی نہیں، برہنہ ہو کر نکل آ۔

ترجمہ اگر تو اس محفل کے دور کا تقاضا سمجھ گیا ہے تو فراموشی کی طرح یاروں کی خاطر کے گرد پھر۔

ترجمہ اے عافیت کے قدردان، تو یوسف سے کم نہیں، کنویں اور زندان کو غنیمت جان اور بھائیوں کی صف سے باہر آ۔

ترجمہ زمانے کے لوگوں میں فضل و ہنر کا دعویٰ خواری ہے، اگر یہاں آبرو چاہتا ہے تو ذرا نادان بن کر آ۔

ترجمہ ایک دنیا ہوس کی امتحان گاہ میں دوڑ رہی ہے، اگر تو قانع نہیں تو تو بھی اِس اور اُس کے لیے بے تاب ہو کر آ۔

ترجمہ تاکہ تو خلق کی امداد کے احسان تلے پامال نہ ہو، احسان کی شرمندگی سے پہلے ہی بغیر پسینے کے دو قدم آگے نکل آ۔

ترجمہ مرد کے وقار کا جوہر افسردگی سے عار رکھتا ہے، کمان کی طرح گھر میں رہ اور میدان کے سرے پر نکل آ۔

ترجمہ یہاں ہر ایک کا حصہ اس کی استعداد کے لائق ہے، تو سیکڑوں نعمتوں کے قابل ہے، دانت کی طرح پردے سے باہر آ۔

ترجمہ اے بیدل، اگر نیاز کی ادب گاہ سے تجھے تلوار سے بھی نکالیں تو زخم سے خون کی طرح ہنستے لبوں کے ساتھ نکل۔