ترجمہ حلقہ ربائی کی لاف میں بیان کے ترانوں سے ٹیڑھی بات نہ کر، کہیں ایسا نہ ہو کہ ٹیڑھی زبان سے تیرے دعوے کا لب ہنسی کا نشانہ بن جائے۔

ترجمہ سروری کے دعوے کے غرور سے تیرا سر آسمان تک جا پہنچتا ہے، ذرا تلوار کی نوک کو نکال کر دیکھ کہ وہ سان کے سامنے خم کھا کر ٹیڑھی ہے۔

ترجمہ گناہ کے راستے کے غبار کے سبب ہم عافیت کے محرم نہ ہو سکے، اس غافل کی منزل کہاں ہے جو راہ روؤں کے راستے میں ٹیڑھا آ پڑے۔

ترجمہ میری طاقت دل و دست ہار چکی اور میری ہمت کے سر و پا گم ہو گئے، ٹوٹا ہوا قلم ٹیڑھی انگلیوں سے پسینے کی تحریر کہاں تک لے جائے۔

ترجمہ تیرے قلم کی لغزش کے خم و پیچ سے مسطر کی لکیر پر ستم ہوتا ہے، باگ کو ٹیڑھا موڑنے کی کوشش سے سیدھی راہ پر کجی کا الزام نہ لگا۔

ترجمہ اے ہوس کے نقصان اٹھانے والے، بدلی ہوئی طینت کو سنوارنے میں نہ لگ، کہ دوسری جنسوں کی طرح کوئی دکان سے کجی نہیں خریدتا۔

ترجمہ عافیت کی نعمت کے دسترخوان پر اس کی نرم بات نمک ہے، اگر تو اس مزے سے غافل ہے تو ٹیڑھے منہ سے لقمے کا غم کھا۔

ترجمہ آسمان کی کشاکش سیدھوں کی طبیعت میں خلل نہیں بنتی، کمان کی کوشش تیر سے راستی کا جوہر نہیں چھینتی اور اسے ٹیڑھا نہیں کرتی۔

ترجمہ میں بیدل نے ادب کے راستوں میں سے کوئی ایسی راہ نہیں چنی کہ آبلہ پیدا کرنے والی لغزش سے یقین کا قدم گمان کی طرف ٹیڑھا ہو جائے۔