ترجمہ اے بے خبر دل! (اپنے اندر) داغ کا فتیلہ روشن کر، اور اس چراغ سے اپنے تاریک گھر کا علاج کر۔

ترجمہ عتاب کی بجلی جیسی شراب سے سیراب کرنا ستم ہے، کس نے کہا کہ چہرہ تو روشن کر مگر دماغ پریشان کر دے؟

ترجمہ حسین چہروں نے ہزاروں محفلوں میں جام نوشی کی ہے، تو بھی اس خوشی کے چراغ سے باغ میں ایک دو پھول کھلا دے۔

ترجمہ حقیقت کی منزل کی دلیل وسیلوں کو ترک کرنا ہے، راستے کی تپش اور راہ کی شمع سے (منزل کا) سراغ روشن کر۔

ترجمہ کب تک بلبلوں کی شعلہ نوا آواز کی امید رکھے گا؟ ایک لمحے کے لیے مایوسی کے دھوئیں سے کوے کا آشیانہ جلا دے۔

ترجمہ پاؤں کے چھالے کے سوا راحت کی کوئی اور دلیل نہیں ہے، اسی چراغ سے تو بھی اپنی فرصت کا گوشہ روشن کر۔

ترجمہ اگر تیری شراب کی موج کا فتیلہ روشن ہو جائے، تو ایک ہی جام کی بجلی سے ہزاروں محفلیں روشن کر دے۔

ترجمہ جس لمحے تو نے فنا کے شوق میں (ہستی کا) صفحہ جلا دیا، (اسی لمحے) طلب کی راہ کو شب چراغ موتیوں سے روشن کر۔

ترجمہ اے بیدل! وفا کی محفل کی روشنی کو غنیمت سمجھ، اگر کوئی چراغ نہیں جلاتا تو تُو (اپنے سینے کا) داغ روشن کر۔