ترجمہ اتفاق سے میرا ایک میدان سے گزر ہوا اور میں چیونٹیوں کا حال دیکھنے لگا۔

ترجمہ میں ایک ٹیلے پر بیٹھ گیا جس پر بیٹھنا کیکاؤس کے تخت سے بہتر تھا۔

ترجمہ اُس ٹیلے پر ایک بل تھا جسے چیونٹیوں نے اپنا گھر بنا رکھا تھا۔

ترجمہ انہوں نے اُسی کالی مٹی کو اپنا وطن بنا لیا تھا اور اُسے بدلنے کا کبھی خیال بھی نہ کیا تھا۔

ترجمہ کوئی چیونٹی دانہ دانتوں میں دبائے کھینچ رہی تھی اور کوئی اُس دانے کی خاطر پیچھے دوڑ رہی تھی۔

ترجمہ تھوڑی دیر بعد ایک بچھو نمودار ہوا اور اُس کا گزر چیونٹیوں کے اُس بل پر ہوا۔

ترجمہ چیونٹیوں نے دیکھا کہ اُن کی زمین پر سے ایک نقصان پہنچانے والا دشمن گزر رہا ہے۔

ترجمہ تو ہر طرف سے ایک ایک تیز پنجوں والی ننھی چیونٹی باہر نکل آئی اور لڑائی شروع کر دی۔

ترجمہ وہی زہریلا اور دلیر بچھو چیونٹیوں کے میدان میں قیدی بن کر رہ گیا۔

ترجمہ آخر چیونٹیوں نے اُسے زمین پر گرا دیا، اُس کا بدن چُور، زخمی اور درد سے بے حال تھا۔

ترجمہ مجھے اُن کے زور پر بڑی حیرت ہوئی کہ چند چیونٹیوں نے ایک بچھو کو کیسے مار ڈالا؟

ترجمہ میں اسی سوچ میں تھا کہ اُن میں سے ایک ننھی چیونٹی پکار کر بولی کہ ارے سنو۔

ترجمہ سوچ میں نہ پڑ اور حیران نہ ہو، اپنی آنکھ سے پردہ ہٹا دے۔

ترجمہ جب ہم میں اتحاد اور یک دلی ہے تو کوئی مشکل ہمارے آڑے نہیں آتی۔

ترجمہ ہمارا چال چلن یہی ہے اور لوگ ہمارے کام سے نصیحت حاصل کرتے ہیں۔

ترجمہ تُو بھی ایک ننھی چیونٹی سے کم نہیں ہے، اور اگر تُو چیونٹی سے بھی کم ہے تو پھر کیا ہے؟

ترجمہ اپنے گھر کو دشمنوں سے بچا اور اپنا ٹھکانا اور دانہ لُٹنے نہ دے۔

ترجمہ اب چیونٹی کا قصہ یاد رکھ اور جا کر اپنا گھر آباد کر۔