ترجمہ اے عقلمند اور دانا، چوہے اور بلی کا قصہ پڑھ۔

ترجمہ قسمت کی بات، کرمان میں اژدہے جیسی ایک بلی رہتی تھی۔

ترجمہ وہ دن کو چوہوں کے شکار کے لیے شراب خانے میں جایا کرتی تھی۔

ترجمہ اچانک ایک ننھا چوہا شور مچاتا ہوا دیوار سے شراب کے مٹکے پر کود پڑا۔

ترجمہ اس نے مٹکے میں سر ڈال کر شراب پی اور دھاڑتے شیر کی طرح مست ہو گیا۔

ترجمہ چوہا بولا بلی کہاں ہے کہ میں اس کا سر اتار لوں اور اس کی کھال میں بھوسا بھر دوں۔

ترجمہ بلی نے یہ سنا اور دم نہ مارا، بس اپنے پنجے اور دانت ریتی سے تیز کرتی رہی۔

ترجمہ پھر اچانک وہ جھپٹی اور چوہے کو یوں دبوچ لیا جیسے تیندوا پہاڑی شکار کو دبوچتا ہے۔

ترجمہ چوہا بولا میں تو تیرا غلام ہوں، میرے یہ گناہ معاف کر دے۔

ترجمہ بلی بولی جھوٹ مت بول، میں تیرا مکر و فریب نہیں سنوں گی۔

ترجمہ بلی نے اس چوہے کو مار کر کھا لیا اور اٹھلاتی ہوئی مسجد کی طرف چل دی۔

ترجمہ اس نے ہاتھ اور منہ دھوئے، مسح کیا اور ملاؤں کی طرح وظیفہ پڑھنے لگی۔

ترجمہ اے پروردگار، میں نے توبہ کی، اب کبھی چوہے کو دانتوں سے نہ چیروں گی۔

ترجمہ اے خالق، اس ناحق خون کے بدلے میں دو من روٹی خیرات کروں گی۔

ترجمہ بلی نے اتنی منت سماجت اور آہ و زاری کی کہ آخر رو پڑی۔

ترجمہ منبر کے پیچھے ایک ننھا چوہا چھپا تھا، وہ جھٹ یہ خبر چوہوں کے پاس لے گیا۔

ترجمہ کہ خوش خبری ہو، بلی نے توبہ کر لی ہے اور اب زاہد، عبادت گزار اور پکی مسلمان ہے۔

ترجمہ یہ خبر جب چوہوں تک پہنچی تو سب خوشی سے ہنسنے لگے۔

ترجمہ سات چنے ہوئے چوہے اٹھ کھڑے ہوئے، ہر ایک اپنے گاؤں کا چودھری اور زمیندار تھا۔

ترجمہ ہر ایک نے بڑی محبت سے بلی کے لیے رنگ رنگ کے تحفے اٹھائے۔

ترجمہ ایک کے ہاتھ میں شراب کی بوتل تھی اور دوسرے کے پاس بھنے ہوئے میمنے۔

ترجمہ ایک کے پاس کشمش سے بھری تھالی تھی اور دوسرے کے پاس کھجوروں کا ایک طباق۔

ترجمہ بلی نے جب ننھے چوہوں کو دیکھا تو پڑھنے لگی، رِزقُکُم فی السّماءِ¹ بالکل سچ ہے۔

ترجمہ میں نے خدائے رحمٰن کی رضا کے لیے کئی دن لگاتار روزے رکھے۔

ترجمہ جو یقین کے ساتھ خدا کا کام کرے اس کی روزی بڑھ جاتی ہے۔

ترجمہ اس کے بعد بلی نے کہا اے دوستو، ذرا چند قدم آگے تشریف لائیے۔

ترجمہ ننھے چوہے سب کے سب آگے بڑھ رہے تھے اور ان کے بدن بید کی طرح کانپ رہے تھے۔

ترجمہ اچانک بلی چوہوں پر یوں جھپٹی جیسے میدانِ جنگ میں کوئی سورما جھپٹتا ہے۔

ترجمہ دو کو اس پنجے میں، دو کو اُس پنجے میں اور ایک کو دھاڑتے شیر کی طرح دانتوں میں دبوچ لیا۔

ترجمہ وہ دو چوہے جو جان بچا کر نکلے تھے، فوراً یہ خبر باقی چوہوں کے پاس لے گئے۔

ترجمہ کہ اے چوہو، تم کیا بیٹھے ہو، اے جوانو، تمہارے سر میں خاک۔

ترجمہ بلی نے پنجوں اور دانتوں سے پانچ سردار چوہوں کو چیر پھاڑ ڈالا ہے۔

ترجمہ پہلے وہ سال بھر میں ہم میں سے ایک ہی کو پکڑتی تھی، مگر اب اس کی حرص بہت بڑھ گئی ہے۔

ترجمہ جب سے توبہ کر کے مسلمان ہوئی ہے، اب ایک ساتھ پانچ پانچ کو پکڑتی ہے۔

ترجمہ یہ عجیب و غریب قصہ عبید زاکانی کی یادگار ہے۔