معانی و الفاظ کی مناسبت

حسنِ کلام کا ایک بڑا نکتہ یہ ہے کہ مضامین کی نوعیت کے لحاظ سے الفاظ استعمال کیے جائیں۔ لفظ چونکہ آواز کی ایک قسم ہے اور آواز کی مختلف اقسام ہیں۔ مُہیب، پُررعب، سخت، نرم، شیرین، لطیف۔ اسی طرح الفاظ بھی صورت اور وزن کے لحاظ سے مختلف طرح کے ہوتے ہیں۔ بعض نرم، شیریں، اور لطیف ہوتے ہیں۔ بعض سے جلالت، اور شان ٹپکتی ہے، بعض سے درد، اور غمگینی، ظاہر ہوتی ہے۔ اسی بنا پر غزل میں سادہ، شیریں، سہل، اور لطیف، الفاظ استعمال کیے جاتے ہیں۔ قصیدے میں پُرزور اور شاندار الفاظ کا استعمال پسندیدہ سمجھا جاتا ہے۔ اسی طرح رزم و بزم، مدح و ذم، فخر و ادعا، وعظ و پند ہر ایک کے لیے جدا جدا الفاظ ہیں۔ شعرا میں سے جو اس نکتہ سے آشنا ہیں وہ ان مراتب کا لحاظ رکھتے ہیں اور یہ ان کے کلام کی تاثیر کا بڑا راز ہے۔ لیکن جو اس فرقِ مراتب سے واقف نہیں، یا ہیں لیکن ایک خاص رنگ اُن پر اس قدر چڑھ گیا ہے کہ ہر قسم کے مضامین میں ایک ہی قسم کے لفظ ان کی زبان سے ادا ہوتے ہیں، ان کا کلام بجز ایک خاص رنگ کے بالکل بے اثر ثابت ہوتا ہے۔ یہی نکتہ ہے کہ سعدی سے رزم، اور فردوسی سے بزم، نہیں نبھ سکتی۔ فردوسی نے جہاں حضرت یوسف کی نالہ و زاری کو اپنی کتاب یوسف زلیخا میں لکھا ہے، لکھتا ہے

رزم، بزم، فخر، حسرت، شوق۔ ہر ایک مضمون کے لیے خاص خاص قسم کے الفاظ موزوں ہیں اور ان مضامین کے لیے انہی الفاظ کو استعمال کرنا چاہیے۔ مثلاً ایک شاعر نے جلال اور غیظ کو ان الفاظ میں ادا کیا ہے۔

ان اشعار میں جو الفاظ آئے ہیں، جس طرح اُن کے معنی غیظ و غضب کے ہیں اُسی طرح ان الفاظ کی آواز اور لہجہ سے بھی ہیبت اور غیظ و غضب کا اظہار ہوتا ہے۔

کلام کی فصاحت

یہ بحث مفرد الفاظ سے متعلق تھی۔ لیکن کلام کی فصاحت میں صرف، لفظ کا فصیح ہونا کافی نہیں، بلکہ یہ بھی ضرور ہے کہ جن الفاظ کے ساتھ وہ ترکیب میں آئے، ان کی ساخت، ہیئت، نشست، سُبکی، اور گرانی کے ساتھ اس کو خاص تناسب اور توازن ہو، ورنہ فصاحت قایم نہ رہے گی۔ قرآن مجید میں ہے مَا كَذَبَ الْفُؤَادُ مَا رَأَى۔ فواد، اور قلب، دو ہم معنی الفاظ ہیں، اور دونوں فصیح ہیں۔ لیکن اگر اس آیت میں فواد کے بجائے قلب کا لفظ آئے تو خود یہی لفظ غیر فصیح ہو جائے گا۔ جس کی وجہ یہ ہے کہ گو قلب کا لفظ بجائے خود فصیح ہے لیکن ما قبل اور ما بعد کے جو الفاظ ہیں اُن کی آواز کا تناسب، قلب کے لفظ کے ساتھ نہیں ہے۔

میر انیس کا مصرعہ ہے۔

صحرا اور جنگل ہم معنی ہیں اور دونوں فصیح ہیں۔ انیس نے مختلف موقعوں پر ان دونوں لفظوں کا استعمال کیا ہے اور ہم معنی ہونے کی حیثیت سے کیا ہے۔ لیکن اگر اس مصرعہ میں صحرا کے بجائے جنگل کا لفظ آ جائے تو یہی لفظ غیر فصیح ہو جائے گا۔ ذیل کے شعر میں۔

اگر جنگل کے بجائے صحرا لاؤ تو مصرع کا مصرع پھُس پھُسا ہو جاتا ہے۔

شبنم اور اوس ہم معنی ہیں اور برابر درجہ کے فصیح ہیں لیکن اس شعر میں ۔

اگر اوس کے بجائے شبنم کا لفظ لایا جائے تو فصاحت خاک میں مل جائے گی۔ یہی اوس کا لفظ جو اس موقع پر اس قدر فصیح ہے، اس مصرع میں

شبنم کے بجائے لایا جائے، تو فصاحت بالکل ہوا ہو جائے گی۔

اس میں نکتہ یہ ہے کہ ہر لفظ چونکہ ایک قسم کا سُر ہے، اس لیے یہ ضرور ہے کہ جن الفاظ کے سلسلہ میں وہ ترکیب دیا جائے اُن آوازوں سے اُس کو خاص تناسب بھی ہو ورنہ گویا دو مخالف سُروں کو ترکیب دینا ہو گا۔ نغمہ اور راگ مفرد آوازوں یا سُروں کا نام ہے۔ ہر سُر بجائے خود دلکش اور دلاویز ہے۔ لیکن اگر دو مخالف سروں کو باہم ترکیب دے دیا جائے تو دونوں مکروہ ہو جائیں گے۔ راگ کے دلکش اور موثر ہونے کا یہی گُر ہے کہ جن سُروں سے اُس کی ترکیب ہو اُن میں نہایت تناسب اور توازن ہو۔

الفاظ بھی چونکہ ایک قسم کی صوت اور سُر ہیں، اس لیے ان کی لطافت، شیرینی، اور روانی، اُسی وقت تک قائم رہتی ہے جب گرد و پیش کے الفاظ بھی لَے میں اُن کے مناسب ہوں۔

دبیر کا مشہور مصرع ہے،

اس میں جتنے الفاظ ہیں یعنی زیر۔ قدم۔ والدہ۔ فردوس۔ بریں۔ سب بجائے خود فصیح ہیں لیکن ان کے باہم ترکیب دینے سے، جو مصرعہ پیدا ہوا ہے وہ اس قدر بھدا اور گراں ہے کہ زبان اس کا تحمل نہیں کر سکتی۔ شاید تم کو خیال ہو کہ مصرعہ کی ترکیب چونکہ فارسی ہو گئی ہے۔ اس لیے ثقل پیدا ہو گیا ہے، لیکن یہ صحیح نہیں۔ سیکڑوں شعروں میں اس قسم کی فارسی ترکیبیں ہیں، لیکن یہ ثقل نہیں پایا جاتا۔ مثلاً میر انیس کہتے ہیں۔

پہلے مصرعہ میں فارسی ترکیب کے علاوہ، توالیِ اضافات بھی موجود ہے، لیکن یہ بھدا پن اور ثقل نہیں ہے۔

جب کسی مصرعہ یا شعر کے تمام الفاظ میں ایک خاص قسم کا تناسب، توازن، اور توافق، پایا جاتا ہے اور اس کے ساتھ وہ تمام الفاظ بجائے خود بھی فصیح ہوتے ہیں، تو وہ پورا مصرعہ یا شعر فصیح کہا جاتا ہے۔ یہی چیز ہے جس کو بندش کی صفائی، نشست کی خوبی، ترکیب کی دلاویزی، برجستگی، سلاست، اور روانی، سے تعبیر کرتے ہیں، یہی چیز ہے جس کی نسبت خواجہ حافظؒ فرماتے ہیں۔

الفاظ کے توازن و تناسب سے کلام میں جو فرق پیدا ہو جاتا ہے وہ ایک خاص مثال میں آسانی سے سمجھ میں آ سکتا ہے۔ میر انیس حضرت علی اکبرؑ کی اذان دینے کی تعریف ایک موقع پر اس طرح کرتے ہیں

اسی مضمون کو دوسرے موقع پر اس طرح ادا کرتے ہیں

وہی مضمون ہے، وہی الفاظ ہیں، لیکن ترکیب کی ساخت نے دونوں مصرعوں میں کس قدر فرق پیدا کر دیا ہے۔

ایتلاف الوزن مع المعنی

ترکیب الفاظ کے لحاظ سے شعر کی بڑی خوبی یہ ہے کہ کلام کے اجزاء کی جو اصلی ترتیب ہے وہ بحال خود قائم رہے۔ مثلاً فاعل، مفعول، مبتدا، خبر، متعلقاتِ فعل، جس ترتیب کے ساتھ ہر وقت بول چال میں آتے ہیں، یہی ترتیب شعر میں باقی رہے۔ اگرچہ اس میں شبہ نہیں کہ اس ترتیب کا بعینہ قائم رہنا قریب قریب ناممکن ہے۔ صرف ایک آدھ شعر یا بہت سے بہت، شعر دو شعر میں اتفاقیہ یہ بات پیدا ہو جاتی ہے۔ مثلاً سعدیؒ کے یہ اشعار۔

لیکن چونکہ نظم کا در حقیقت، سب سے بڑا کمال یہی ہے کہ اگر اُس کو نثر کرنا چاہیں تو نہ ہو سکے اور یہ اُسی وقت ہو سکتا ہے جب شعر میں الفاظ کی وہی ترتیب باقی رہے جو نثر میں معمولاً ہوا کرتی ہے۔ اس بنا پر شاعر کو کوشش کرنی چاہیے کہ اگر اصلی ترتیب پوری پوری قائم نہیں رہ سکتی تو بہر حال اس کے قریب قریب پہنچ جائے۔ جس قدر اس کا لحاظ رکھا جائے گا اُسی قدر شعر زیادہ صاف، برجستہ، روان، اور ڈھلا ہوا ہو گا۔ مثلاً یہ اشعار۔