لطف بیان

مصرعہ اولیٰ میں ناصح کی طولانی نصیحت سے تنگ آنے کا بیان اور مصرعہ ثانی (وہ جان نہ لے) کے لطف کو ملاحظہ فرمائیے۔ یہی مطلب ہے کہ معشوق نے تو فقط دل لیا تھا۔ مگر حضرت ناصح جان کے خواہاں ہیں۔

ترکیب کے لحاظ سے مومن کا یہ شعر بالکل نیا ہے۔ نالۂ شب نے ہوا باندھ کر بلبل کے چراغ ’’گُل‘‘ کو گُل کر دیا یعنی ہوا کے زور سے گرا دیا۔ اور بلبل کی آنکھوں میں چمن تاریک ہو گیا۔ گر بلاغتِ معنوی کو دیکھیے تو چراغ کو بجھا کر پھر قائم کر دیا۔ گل میں جو خوبی پیدا کی ہے وہ مومن کی استادی کا ثبوت کافی ہے۔

کہتے ہیں جب حسرت و حرماں کو ترک کیا کہ ہماری امید بالکل بیکار اور معطل ہو گئی اور اس لیے اب ہم کو فرصت ہے۔ خلاصہ مطلب یہ ہو سکتا ہے کہ اب عشق و محبت کا جوش و خروش نہیں رہا۔

مومن نے اسی زمین میں ایک ایسا شعر کہا ہے جو غالب کے ایک شعر سے با اعتبار مفہوم ملتا ہوا ہے۔ مومن بھی اپنے گھر کی خرابی میں بہار اور آبادی کی کیفیت دیکھ رہے ہیں اور غالب بھی۔

(مومن)

(غالب)

دونوں شعر مذاق ملتے ہوئے بہ ایں فرق آتا ہے کہ مومن جنگل کی سیر کو نہیں گئے ہیں اور یہ اس کے لیے کہ گھر اس قدر خراب اور ویران ہوا ہے کہ اس میں کثرت سے روئیدگی نباتات ہو گئی ہے اور اس سبزہ زار کی سیر میں اس قدر دلبستگی پیدا ہوئی ہے کہ دشت نوردی بیکار خیال کر لی گئی ہے لیکن غالب گھر کی تباہی سے جوشِ وحشت میں بیاباں کو چل کھڑے ہوئے لیکن وہاں جا کر سنا کہ ہائے گھر کی در و دیوار پہ سبزہ اگ آیا ہے۔ (یہ بھی انتہائی ویرانی ہے) اور ہم یہاں بیاباں میں ہیں۔ عجب دلکش انداز سے گھر کی یاد دلائی ہے۔

کس نئے طریقہ سے اظہارِ رقابت کیا ہے اور اس پیرایہ میں غیر کی ناکامی پر اظہارِ مسرت کیا ہے۔ کہتے ہیں کہ میں اپنی انتہائی طپش کے باوجود یار کے بامِ بلند تک پہنچ چکا۔ لیکن غیر سوجھ سے نہ پہنچ سکے گا کہ اس میں میری سی طرب نہیں ہے۔

کہتے ہیں کہ اگر وہ چہرہ وفا کرتے اور ہمارے ہاں آتے تو بھی ہم فرطِ خوشی میں جان نثار کرتے اور وعدہ کے نہیں آئے تو غم میں جان دے دیتے۔ خلاصہ یہ کہ ہماری موت ہر حال میں مقدر تھی۔ ناکامیٔ بخت کی تصویر کس طور پر اتاری ہے۔ گر شعر کے مفہوم سے یہ بات نکلتی ہے کہ اگر وہ وعدہ پر آتے تو تمہارا مرنا خوشی کا ہوتا اور نہیں آئے تو موت غمناک ہو گئی۔ بہت ہی اچھا خیال ہے۔

حسن و عشق کے تعلقات کو کس خوبی کے ساتھ بیان کیا ہے۔ بالکل سچا مضمون ہے۔ رنج و غم کا لگ بندھ زندگی کے ساتھ ہے۔

رنگِ تغزل میں بلاغتِ معنوی کو دیکھیے۔ کہتے ہیں کہ جب تک عدو زندہ رہا وہ (معشوق) اس کے بس میں رہا اور جب اس کو موت آئی تو وہ (معشوق) اس کے رنج و الم میں گرفتار ہے۔ گویا غمِ رقابت نہیں رہا لیکن غمِ رقیب فراقِ وصلِ یار ممکنات سے ہے۔ لیکن جب وہ غمگین ہے تو ہم وصل سے کیوں کر خوش ہو سکتے ہیں۔ نتیجہ یہ ہوا کہ ہم لطف و کرم سے اب تک محروم ہیں۔

اظہارِ غمِ رقابت کا اسلوبِ بیاں ملاحظہہو۔ معشوق سے مخاطب ہو کر کہتے ہیں کہ جب تم نے ہمارے ہوتے ہوئے عدو کا قتل کیا تو عذرِ نزاکت گراں ہے (اچھا نہیں معلوم ہوتا) اور اب تمہارا عذرِ نزاکت گویا مجھ پر ستم کرنا ہے۔ اور مجھ میں غم اٹھانے کی طاقت نہیں (یہ ضعف گویا معشوق کی نزاکت کا جواب ہے)۔ اور یہی مطلب ہو سکتا ہے کہ جب مومن نے اپنے قتل کی آرزو کی تو معشوق نے عذرِ نزاکت کیا اور اس پر مومن نے یوں اظہارِ طنز کیا۔

جنگ حسن و عشق

مومن کے تینوں شعر حد درجہ دلکش ہیں۔ مطلع میں یہ ثابت کرتے ہیں کہ رات کو سودا کا جوش اس درجہ بڑھا ہوا تھا کہ مجھے بستر پر نشتر بچھانے پڑے۔ تا کہ نشتر کی خلش سے خونِ فاسد نکل جائے اور جوشِ سودا کم ہو۔ رنگِ تغزل میں حکیمانہ مسلک بھی بیان کر دیا۔ گویا بے سودائے عشق کے بستر پر پھولوں کے عوض نشتر بچھائے گئے۔ ایسے ہی شعر کو تیر و نشتر کہا جاتا ہے۔ دوسرے شعر میں اپنے فسانۂ غم سے معشوق کو سلا دیا لیکن معشوق کے سو جانے سے بھی یہ متبلائے فکر رہے کہ اس کو پاسِ ادب سے جگا نہیں سکتے۔ تاروں والے شعر میں ایک خاص لطف کیفیت ہے جو محتاجِ بیان نہیں۔ تاروں کی آنکھ جھپکنا بالکل بدیہی بات ہے۔ گر مومن اس کی وجہ یہ بیان کرتے ہیں کہ وہ رات کو اپنے بام پر جلوہ گر ہوئے۔ ان کے فروغِ حسن یا آفتاب آنکھوں کو دیکھ کر تارے شرم سے آنکھیں چھپکانے لگے۔

معشوق کو ترکِ آزار پر کس طرح آمادہ کر رہے ہیں۔ کہتے ہیں کہ میں ایسا سخت جان ہوں کہ فلک سا ظالم مجھے نہ ستا سکا۔ لہٰذا تم میری فکرِ آزار عبث کر رہے ہو۔ مطلب یہ ہے کہ تم مجھ پر رحم کرو۔

کس شان کا مطلع ہے۔ معشوق سے کہتے ہیں کہ آج تمہاری ادا بہت بیتاب نہ ہو کیونکہ آج میری بیقراری بھی اپنے اوپر ناز کر رہی ہے۔ اس لیے تمہاری ادا و ناز انجلی ہے۔ ورنہ میری بیقراری سے مقابلہ ہو گا۔ یہ گویا شبِ وصل کے جذبات کی تصویر اتاری ہے۔

پہلا شعر میر کے رنگ کا ہے اور دوسرے شعر میں غالب کا رنگ ہے۔ شمشیرِ خمیدہ سے خمیازہ کی کیا تصویر اتاری ہے۔

کس نئی ترکیب سے اظہارِ رقابت کیا ہے۔ معشوق کی نگاہِ لطف نے جو ارماں ان کے مٹائے تھے وہ قتلِ غیر کے لیے تلوار کا کام دے رہے ہیں۔ مضمون نیا نہیں مگر ترکیب بالکل نئی ہے اور اس سے شعر میں جدت پیدا ہو گئی۔

اس شعر میں صرف شبِ ماہتاب کے جوش انگیز اثر کو دکھایا ہے۔ واقعی عاشق مزاجوں اور رندوں کے نزدیک یہ بہت ہی لطف انگیز ہے۔ کہتے ہیں کہ جب شبِ مہتاب کے لطف کو دیکھا تو میں شوقِ وصالِ یار میں گھر سے نکلا اور مجھے یہ بھی نہ سوجھا کہ شبِ مہتاب میں نہ سوجھنا پر مذاق بات ہے کہ میرا دوست عدو کے گھر میں ہے اور مجھے وہاں نہ جانا چاہیے، گر اضطراری حالت میں مجھ سے دل پر اختیار نہ رہا۔

اعجاز