ان مختلف اشعار کے علاوہ بعض مسلسل نظمیں مثلاً نین ذوق شوق، ساقی نامہ فرشتے آدم وک جنت سے رخصت کرتے ہیں روح ارضی آدم کا استقبال کرتی ہے جبریل و ابلیس جاوید کے نام اور مولینی لاجواب ہیں ان میں اقبال کے عقائد کے نقوش زیادہ گہرے ہیں۔

بعض اشعار

اب یہاں ہم وہ اشعار درج کرنا چاہتے ہیں جو گذشتہ سرخیوں کے تحت نہیں آسکے، مثلاً طاقتور کی حکومت کامیاب ہوتی ہے کیونکہ اس کی نافرمانی کی جرات بہت کم لوگوں میں ہوتی ہے۔ جس کی لاٹھی اس کی بھینس کا نظریہ بالکل پہلے کی طرح اب بھی صحیح ہے:

حکومت تو پھر حکومت ہے قوم کی اصلاح بھی بغیر قوت نہیں ہو سکتی:

نو گرفتارِ محبت بارگاہِ حسن کے آداب سے پوری طرح واقف نہیں ہوتا۔ اس کو کیا خبر کہ روئے محبوب کو بیباکی سے دیکھنا کتنا بڑا جرم ہے۔ وہ تشنگیِ دیدار بجھانے کی خاطر بار بار چہرۂ دوست کی طرف نظریں دوڑاتا ہے۔ ابھی اس کا دل ایک حد تک اس کے قابو میں ضرور ہوتا ہے لیکن اپنی آنکھوں پر اس کا مطلق نہیں چلتا۔

موجودہ زمانہ کا مسلمان جس کے قوائے عملی تقریباً مفلوج ہو چکے ہیں اپنے اسلاف کے کارناموں پر ناز کرتا اور پدرم سلطان بود کا بے ہنگام راگ الاپتا پھرتا ہے اقبال اس سے یوں خطاب کرتا ہے:

جب تک مسلمانوں میں اس کے اسلاف کے جوہر پیدا نہ ہوں گے وہ ذلیل و خوار ہی رہیں گے موجودہ مسلمان گفتار اور کردار کی صفت میں بھی اپنے آبا و اجداد سے کوئی مناسبت نہیں رکھتے پھر ان کی زندگی کیونکر خوشگوار ہو سکتی ہے۔

بعض اوقات انسان کو دشمنوں سے زیادہ دوستوں سے نقصان پہنچتا ہے۔ گھر کے بھیدی ہمیشہ سے لنکا ڈھاتے چلے آئے ہیں۔

چھپانے کی کوشش میں رازِ عشق اور بھی زیادہ آشکار ہوتا ہے۔

عقل و عشق کا کس قدر پر لطف موازنہ ہے۔

ایک سراپا نیاز پاش و خوار اپنے ساقیِ باوقار سے کس لجاجت کے ساتھ شراب مانگ رہا ہے۔

انسان اگر اپنی ناکامیوں اور مصیبتوں پر روتا ہی رہے تو اس کو اس کام کے لیے اپنی عمر بھی کافی نہ ہو گی اس لیے ہر افتاد پر رنج و غم کرنا مصیبت کی اولیت میں زیادہ شدت پیدا کرتا ہے۔

انسان کو حقیقی آزادی کبھی میسر نہیں آسکتی۔ جس طرح اس زندگی میں ایک مرتبہ مرنے پر انسان مجبور ہے اسی طرح دوسری زندگی میں وہ جینے پر مجبور ہے۔

بال جبریل بیشک بیسویں صدی کی بہترین تصنیفوں میں شمار ہونے کے قابل ہے اس کے ہر صفحہ پر زندگی کا ایک زبردست تلاطم نظر آتا ہے۔ اشعار کیا ہیں طوفانِ حیات کی فلک بوس موجیں ہیں جن میں مردہ قوموں کا جمود خس و خاشاک کی طرح چشم زدن میں بہہ سکتا ہے۔ جس شد و مد کے ساتھ اس کتاب میں درس عمل پیش کیا گیا ہے اس کی نظر پیش کرنے سے کم از کم اردو ادب تو قاصر ہے۔ یہ کتاب دراصل انقلابات و حوادثِ روزگار کے اسباب و علل کا آئینہ ہے۔