خدا کی خدائی میں کسی چیز کی کمی نہیں ہے، پھر بھی انسان کی ہزاروں آرزوؤں کا روزانہ خون ہوتا رہتا ہے، جو تمنائیں پوری ہوتی ہیں وہ نفی کے برابر ہیں۔ اس سے صاف پتا چلتا ہے کہ عطا کے مقابلے میں فطرت نہایت ہی بخیل واقع ہوئی ہے؎

ایک مفلوک الحال آدمی اگر کسی فقیر کو ایک پیسہ بھی دے تو یہ اس کی سخاوت کہلائے گی، برخلاف اس کے اگر مسٹر فورڈ کسی فنڈ میں ایک سو ڈالر بھی جمع کرائیں تو یہ ان کی بخالت سمجھی جائے گی، بالکل اسی طرح قدرت جس کے خزانے لاتعداد اور جس کی قوت لامحدود ہے اگر عطا پر آجائے تو تمام دنیا کے سائل اپنی کوتاہیِ دامن کا شکوہ کرتے پھریں لیکن حقیقت میں مانگنے والوں کو جو ملتا ہے وہ نہ ملنے کے برابر ہے، اس لیے اقبال بگڑ کر لکھتا ہے؎

سیاسیات

اقبال کو انسان کی موجودہ پستی کا شدید احساس ہے۔ اس کی یہ دلی تمنا ہے کہ انسان حقیقی معنوں میں اشرف المخلوقات بنے، اس لیے وہ انسانی زندگی کے ہر شعبے کے متعلق مختلف خیالات پیش کرتا ہے۔ وہ کبھی علم و اخلاق کے خاص خاص نظریوں کی تلقین کرتا ہے تو کہیں تصوف کا درس دیتا دکھائی دیتا ہے۔ ایک طرف زندگی کی گتھیوں کو سلجھانے کی تدبیریں بتاتا ہے تو دوسری طرف انسان کو اس کی اصلی عظمت یاد دلا کر اس کی حمیت کو جوش میں لاتا ہے۔

اس کا عقیدہ ہے کہ مذہب کو سیاسیات سے علیحدہ کرنا بڑی اہم غلطی ہے۔ حکومت کی کوئی شکل بری نہیں بشرطیکہ حکمراں طبقہ اپنے دل میں حقیقی معنوں میں احساسِ مذہب رکھتا ہو۔ مذہب سے الگ رہ کر کوئی نظامِ حکومت عرصہ تک مفید نہیں رہ سکتا؎

مذہب معلمِ اخلاق ہے۔ جب سیاست اس کے تحت آجاتی ہے تو اہلِ سیاست اخلاق کی قائم کردہ حدود سے باہر نکلتے ہوئے گھبراتے ہیں۔ رفتہ رفتہ وہ ان پابندیوں کے عادی ہو جاتے ہیں۔ لیکن جب ان کو مذہب سے کوئی سروکار نہیں ہوتا اس صورت میں وہ اپنی پسند کو قانون اور اپنے مخصوص مسلک کو مذہب کی خلعت عطا کر کے اس کو رائج کرنے کی جان توڑ کوشش کرتے ہیں۔ ہر نیا حکمران اپنے نئے مسلک کی ترویج پر زور دیتا ہے۔ اس سے تھوڑی تھوڑی مدت کے بعد انقلابات ہوتے رہتے ہیں جو امنِ عامہ کو خاک میں ملا دیتے ہیں۔ آج دنیا میں کسی جگہ اشتراکیت کا ڈھول پٹ رہا ہے تو کہیں جمہوریت کا نقارہ بج رہا ہے۔ کہیں فاسطیت کے دف کی آواز آرہی ہے تو کسی جگہ نازیت کے دمامے پر مسلسل ضربیں پڑ رہی ہیں۔ دنیا میں ایسا کون برذوق ہے جو اس عظیم الشان کورس (chorus) کو سن کر اپنی اپنی روح میں سکون محسوس کرتا ہے؟ قومیت کا بھوت ہر ملک میں ناچ رہا ہے اس کا اثر یہ ہے کہ ہر ملک اپنے مفاد کے لیے سب سے پہلے اپنے ہمسائے پر ہی ہاتھ صاف کرنے کی فکروں میں لگا ہوا ہے۔ بھلا اس نفسا نفسی میں کہیں امن پرورش پا سکتا ہے؟ موجودہ تہذیب کے فرزند مذہب کے ہاتھوں کو ہمیشہ خون میں بھرا دیکھتے ہیں اور اس سے ایک درندے کی طرح خائف ہیں لیکن ان اندھوں کو ذرا غور و فکر کی توفیق ہو تو معلوم ہو جائے کہ موجودہ تہذیب سراسر خون آلود ہے۔ جنگ عظیم کے مقابلے میں مہا بھارت کی جنگیں بچوں کی لڑائیوں سے زیادہ اہمیت نہیں رکھتیں پھر ان روشن خیال لوگوں نے ترکِ مذہب کر کے ایسا کون سا تیر مار لیا؟ سچ تو یہ ہے موجودہ ترقی یافتہ ملکوں کی حکومت کی بنیاد مکاری پر قائم ہے جس کو ترقی یافتہ لوگ سیاست کے مہذب نام سے پکارتے ہیں۔ یوں دیکھنے کو تو روس میں مزدور کی حکومت ہے۔ اور جرمنی و ترکی میں جمہوریت قائم ہے مگر اس حقیقت سے کون انکار کر سکتا ہے کہ صرف اسٹالن، ہٹلر اور کمال کے ارادوں اور عقیدوں کی روح دراصل تمام روس جرمنی اور ترکی میں جاری و ساری ہے؎

حصول آزادی کے لئے اقبال قوت کو ضروری خیال کرتا ہے وہ کہتا ہے کہ غلامی کے طوفان سے وہی لوگ صحیح سلامت پار اترتے ہیں جو اپنے سخت اور قوی بازوؤں سے موجوں کو مردانہ وار چیرتے چلے جاتے ہیں۔ خالی ضد یا بھیک مانگنے سے آزادی حاصل نہیں ہوتی جو لوگ میدان جنگ کو اپنے خونِ جگر سے لالہ زار بنا دیتے ہیں وہی ایک دن عیش و عشرت کی مےِ لالہ فام کے مستحق قرار دیئے جاتے ہیں۔

مناظر قدرت

بال جبریل میں اقبال نے مناظرِ قدرت کی عکاسی کی طرف بہت ہی کم توجہ کی ہے اس کی وجہ غالباً یہ ہے کہ پہلے وہ اہل عالم کو جہانِ رنگ و بو کی سیر کا دلکش پیغام پہنچانا اپنا کام سمجھتا تھا لیکن اب وہ زمانے کو ”داغہائے سینہ من کمتراز گلزار نیست“ کا دلگداز نالہ سنانا اپنا فرض جانتا ہے اس کے باوجود بھی کہیں کہیں چھوٹے چھوٹے مرقعے نظر آجاتے ہیں مثلاً:

یا:

اسی نظم میں پہاڑی ندی کی کیا چلبلی تصویر کھینچی ہے:

حقیقی مومن

ایک سچا مسلمان بندوقوں، تلواروں، بموں اور ہوائی جہازوں کے بل پر نہیں لڑتا بلکہ وہ اپنے دشمن پر ”تائید الہٰی“ جیسے مہلک ترین حربے سے حملہ کرتا ہے اور عروسِ فتح سے ہمکنار ہوتا ہے۔ اس کے نزدیک خدا کے سوا کسی دوسری چیز پر بھروسہ کرنا کفر ہے:

مومن حقیقی سوائے خدا کے کسی دوسرے کا سہارا یا پناہ قبول نہیں کرتا اسی لیے دنیا کی تمام قوتیں اس کے آگے سر جھکا دیتی ہیں:

بانگ درا میں اقبال نے مومن کی لامحدود قوتوں کی طرف یوں اشارہ کیا ہے:

اسی خیال کا بال جبریل میں یوں اعادہ کیا ہے:

سچا مومن مفلوک الحالی میں بھی کسی کے آگے دستِ سوال دراز نہیں کرتا اسے اپنی فقیری میں شاہی کے مزے ملتے ہیں لیکن جس شخص کا اعتقاد کچا اور ایمان کمزور ہوتا ہے اس کو مال و دولت کے باوجود حقیقی راحت نصیب نہیں آتی:

مصیبت میں صبر نہ کرنا اور پریشانیوں سے تنگ آکر نالہ و فریاد کرنا بزدلوں کا کام ہے۔ سخت سے سخت اذیت پہنچنے پر بھی مومن کی پیشانی پر شکن تک پڑنے نہیں پاتی:

اپنے متعلق

یوں تو اقبال کا سمندِ طبع ہر میدان میں یکساں جولانیاں دکھاتا ہے لیکن جہاں کہیں اس کو اپنے متعلق کچھ کہنے کا موقع ملتا ہے وہاں خوب ہی جوہر دکھاتا ہے۔ وہ ان سالکین اور صوفیا کو جو خدا کا جلوہ اپنے وجود کی فنا میں دیکھتے ہیں گمراہ سمجھتا ہے۔ اس کے نزدیک خدا رسی کا بہترین اور آسان ترین ذریعہ تلاشِ خودی ہے ”جس نے خود کو پہچانا اس نے خدا کو پہچانا“ اسی لیے وہ ایک جگہ کہتا ہے:

جب اقبال اپنے متعلق کچھ بیان کرتا ہے تو اس کا طرز کلام زیادہ قلندرانہ اور دلکش ہو جاتا ہے:

اقبال کو اپنے کمال کا احساس ہے اور اس عطا پر وہ خدا کا شکر ادا کرتا ہے۔ اپنی آزادی پسند طبیعت اور آزادہ روی کی ایک جگہ یوں تصویر کھینچی ہے:

مندرجہ ذیل شعروں میں اقبال کی سیرت کا عکس کس قدر واضح نظر آتا ہے: